Ngayon ang Araw ng mga Intern sa Virginia. Ang Kagawaran ng Kalusugan ng Virginia (Virginia Department of Health) ay nais magpahayag ng malalim na pasasalamat para sa trabaho ng aming mga intern at sa kanilang naiambag sa aming misyon.
Ngayong taon, 34 intern ang sumali sa ikaapat na cohort ng VDH Internship Academy – mula sa pool ng 1,274 na aplikante. Sila ay nagtatrabaho sa buong ahensya, na nakakakuha ng mahalagang karanasan sa mga programa mula sa accounting hanggang sa pagsubaybay sa lamang tubig na may talukab o kabibe. Sa apat na taong kasaysayan ng Internship Academy, nakapag-host kami ng 127 intern mula sa 47 na institusyon ng mas mataas na edukasyon mula sa 19 estado at D.C.
Sa ikaapat na magkakasunod na taon, kinilala ang VDH bilang isang nangungunang employer para sa internship sa Virginia. Tatlo sa anim na partikular na parangal para sa intern na inihayag noong Abril 2026, ng State Council on Higher Education in Virginia (SCHEV), ay mula sa Internship Academy ng VDH. Bukod pa rito, tatlong karagdagang intern ng Academy ang pinarangalan bilang mga Nangungunang 50 Intern ng Virginia bilang bahagi ng mga unang gawad ng SCHEV.
Bilang karagdagan sa Internship Academy, ang aming pakikipagtulungan sa Norfolk State University ay tumanggap ng mahigit 100 na mahuhusay na intern na mag-aaral ng informatics sa nakalipas na tatlong taon. Kabilang ang 18 intern na sumama sa amin ngayong taon, sila ay nagdisenyo ng mga tool sa data at mga pagpapabuti sa proseso na naipatupad sa buong ahensiya. Higit pa sa mga programang ito, ang mga nursing staff ng VDH ay patuloy na nagbibigay ng mga karanasan sa pagsasanay na klinikal na lubos na pinapahalagahan na sumusuporta sa mga nurse sa bawat yugto ng kanilang edukasyon at karera.
Ang lahat ng mga oportunidad sa internship na ito ay sumasalamin sa matagal nang kultura ng paggabay ng VDH at ang pangako nito sa pagpapaunlad ng hinaharap na lakas-paggawa sa pampublikong kalusugan ng Virginia.
Para sa mga kawani ng VDH na nag-mentor at nakatrabaho ng aming mga intern: maraming salamat. Ang inyong pamumuhunan sa susunod na henerasyon ng mga lider sa pampublikong kalusugan ay pamumuhunan sa kinabukasan ng Virginia.
Para sa aming mga intern, ginawa ninyong mas mahusay ang VDH. Umaasa ako na dadalhin ninyo ang inyong mga natutunan sa VDH sa mga komunidad at tungkulin upang makalikha ng makabuluhang pagbabago.
Sa Biyernes, Hulyo 31 ay ipiprisinta ng ating mga intern sa Academy ang kanilang mga poster sa mezzanine sa Madison Building mula 9– 10:30nu. Kung maaari, mangyaring maglaan ng oras upang makita ang mga kahanga-hangang kontribusyong ginawa nila para sa VDH at sa Commonwealth. Umaasa ako na makakasama ninyo kami. Maaari ninyo ring suriin ang kanilang gawa, kasama ang mga nakaraang cohort, sa aming website.