Ang lokasyon sa 8701 Park Central Drive, Suite 100, Richmond, VA 23227 ay bukas Lunes hanggang Biyernes mula 7:00 nu hanggang 4:00 nh. Hindi kinakailangan ang pagpapaiskedyul. Mangyaring tandaan na kung humihiling kayo ng pagbabago/pagsusog sa isang mahalagang rekord, inirerekomenda namin na ipadala ninyo ito sa aming tanggapan sa pamamagitan ng koreo, o maaari ninyo itong ihatid sa aming tanggapan para sa pagpoproseso at ipapadala namin ito sa inyo sa pamamagitan ng koreo pagkatapos itong maproseso. Inirerekomenda ang serbisyo ng Paghahatid at Pagpapadala sa pamamagitan ng Koreo para sa mga pagsusog dahil sa kamakailang pagtaas ng bilang ng mga bisita sa aming tanggapan at ang oras ng paghihintay para sa mga ganitong uri ng kahilingan ay mas mahaba kaysa sa dati.
Ang mga lokasyon ng DMV at Lokal na mga Kagawaran ng Kalusugan ay bukas para sa mga walk-in at mga pagpapaiskedyul sa karaniwang oras ng trabaho. Mangyaring tingnan dito para sa mga iskedyul ng DMV na makukuha malapit sa inyo . Lubos na inirerekomenda na tumawag nang maaga upang kumpirmahin ang mga serbisyo at mga oras sa anumang Distritong Pangkalusugan. Makikita dito ang impormasyon sa pakikipag-ugnayan ng Distrito ng ?Kalusugan. Mangyaring tandaan na ang mga pagbabago at mga pagsusog ay maaari lamang isagawa ng Tanggapan ng Mahahalagang Rekord.
Tandaan: Ang mga adres para sa mga Lokal na mga Kagawaran ng Kalusugan ay nakalista sa ibaba kasama ang pangunahing tanggapan ng OVR at mga lokasyon ng DMV. Sa ilang mga pagkakataon, ang Mahahalagang Rekord ay maaaring ipagkaloob sa ibang adres kaysa sa pangunahing gusali ng Lokal na Kagawaran ng Kalusugan. Mangyaring tumawag at kumpirmahin ang adres na kailangan ninyo bago pumunta nang personal.