Ang aming mga panahon ng pagproseso para sa mga kompletong aplikasyon sa papel sa pamamagitan ng koreo ay 8 araw ng trabaho mula sa panahong matanggap ang mga ito sa Tanggapan ng Mahahalagang Rekord. Ang aming panahon ng pagproseso ng online na aplikasyon ay 5 araw ng trabaho mula sa panahong makompleto at maipasa ang mga ito. Ang mga rekord na nangangailangan ng mga pagbabago ay aabutin ng mas matagal depende sa uri ng pagbabago.
Kung kailangan ninyo ang inyong mga rekord nang mas mabilis, lubos kayong hinihikayat na gamitin ang pagpipiliang Express Delivery o tingnan ang mga lokasyon para sa walk-in na malapit sa inyo para sa kasalukuyang mga oras ng operasyon. Ang aming punong tanggapan sa 8701 Park Central Drive, Suite 100, Richmond, VA 23227 ay binubuksan ang aming pampublikong bulwagan mula Lunes - Biyernes 7:00 nu hanggang 4:00 nh.
I-click ang boton sa ibaba upang mag-aplay para sa isang mahalagang dokumento. Itinatalaga sa bawat aplikasyon ang isang ID ng pagsubaybay sa aplikasyon, at makatatanggap kayo ng mga update sa email at SMS sa katayuan ng inyong aplikasyon.
Ang Kodigo ng Virginia ay nagtatakda ng bayad na $12.00 para sa bawat paghahanap ng sertipiko. Walang ibabalik na bayad kung hindi matagpuan ang sertipiko. Ang isang eksepsiyon ay ang Sertipiko ng Kapanganakan na Nagresulta ng Pagkamatay sa Sinapupunan, na walang bayad. May kabayarang $10 na ipinapataw para sa paggawa ng pagbabago sa isang umiiral na rekord.