Mga Batayang Kinakailangan sa Pagbabakuna para sa Paaralan at Day Care
Dapat magbigay ng dokumentaryong patunay ng sapat na pagbabakuna na naaangkop sa edad na may itinakdang bilang ng mga dosis ng bakuna na nakasaad sa ibaba para sa pagpasok sa pampubliko o pribadong paaralang elementarya, panggitna o sekondarya, sentro ng pangangalaga sa bata, paaralang nursery, family day care home, o sentro ng pag-unlad. Ang mga bakuna ay dapat ibigay alinsunod sa at ibigay sa loob ng mga kinakailangang pagitan at edad ng iskedyul ng Mga Sentro para sa Pagkontrol at Pag-iwas sa Karamdaman, American Academy of Pediatrics (AAP), at American Academy of Family Physicians (AAFP).
- AAP: https://downloads.aap.org/AAP/PDF/AAP-Immunization-Schedule.pdf
- AAFP: https://www.aafp.org/dam/AAFP/documents/patient_care/immunizations/2025%20Adolescent%20Schedule.pdf
Ang mga batang nabakunahan alinsunod sa kasalukuyang iskedyul ng AAP o AAFP o sa mga iskedyul ng paghabol ng AAP o AAFP (kasama ang pagtugon sa mga kinakailangan sa lahat ng pinakamababang edad at agwat ng tagal) ay itinuturing na wastong nabakunahan para sa pagpasok sa paaralan (tingnan ang “Suplementaryong Gabay para sa mga Kinakailangang Pagbabakuna sa Paaralan” para sa karagdagang impormasyon).
- Mangyaring makipag-ugnayan sa isang tagapagbigay ng serbisyong pangkalusugan upang matiyak na ang inyong anak ay napapanahon sa kanilang mga karaniwang pagbabakuna.
Mga Mapagkukunan
- Mga Kinakailangan sa Pagbabakuna sa Paaralan
- Karagdagang Patnubay para sa mga Kinakailangang Pagbabakuna sa Paaralan
- Katanggap-tanggap na Katibayan ng Kaligtasan sa Varicella (Bulutong-tubig)
- Kinakailangan sa Pagbabakuna sa Paaralan ng Tdap Bersiyon sa Espanyol)
- Iskedyul ng Pagbabakuna ng AAP Bersiyon sa Espanyol)
- Iskedyul ng Pagbabakuna ng AAFP
- Liham para sa Batang Papasok sa Kindergarten (Bersiyon sa Espanyol)
- Liham para sa mga Papasok sa Ika-7 Baitang Bersiyon sa Espanyol)
- Liham para sa mga Papasok sa Ika-12 Baitang Bersiyon sa Espanyol)
- Toolkit sa Komunikasyon sa Pagbabalik sa Paaralan
- 5 Mga Katotohanan Tungkol sa Tigdas Infographic Bersiyon sa Espanyol)
| Bakuna | Batayang Kinakailangan |
|---|---|
| Diphtheria, Tetanus, & Pertussis (DTaP, DTP, o Tdap) | Hindi bababa sa 4 na tamang pagitan ng mga dosis. Ang isang bata ay dapat magkaroon ng hindi bababa sa isang dosis ng bakuna sa DTaP o DTP sa kaniyang ikaapat na kaarawan o pagkatapos nito. Ang bakuna sa DT (Diphtheria, Tetanus) ay kinakailangan para sa mga batang may medikal na eksensiyon sa bakunang naglalaman ng pertussis (DTaP o DTP). Kinakailangan ang Adult Td para sa mga batang 7 taong gulang at pataas na hindi nakatutugon sa mga batayang kinakailangan para sa tetanus at diphtheria. Simula Hulyo 1, 2019, kinakailangan ang isang dosis ng booster ng bakunang Tdap para sa lahat ng mga batang papasok sa ika-7 baitang. |
| Meningococcal Conjugate (MenACWY) | Simula Hulyo 1, 2021, kinakailangan ang hindi bababa sa 2 dosis ng bakunang MenACWY. Ang unang dosis ay dapat ibigay bago pumasok sa ika-7 baitang. Ang huling dosis ay dapat ibigay bago pumasok sa ika-12 baitang. Tingnan ang karagdagang dokumento ng patnubay para sa karagdagang impormasyon. |
| Human Papillomavirus (HPV) | Simula Hulyo 1, 2021, kinakailangan ang kompletong serye ng 2 dosis ng bakunang HPV. Ang unang dosis ay dapat ibigay bago pumasok ang bata sa ika-7 baitang. Matapos suriin ang mga kagamitang pang-edukasyon na inaprubahan ng Lupon ng Kalusugan, maaaring piliin ng magulang o tagapag-alaga, ayon sa kaniyang sariling pagpapasiya, na hindi pabakunahan ang bata ng HPV. |
| Hepatitis B | Kinakailangan ang isang kompletong serye ng 3 maayos na pagitan ng mga dosis ng bakuna sa hepatitis B para sa lahat ng mga bata. Gayunpaman, inaprubahan ng FDA ang isang 2-dosis na iskedyul LAMANG para sa mga kabataang 11-15 taong gulang AT ito LAMANG ay kapag ginamit ang Merck Brand (RECOMBIVAX HB) Adult Formulation Hepatitis B Vaccine. Kung ang iskedyul ng 2-dosis ang ginamit para sa kabataang 11-15 taong gulang, ito ay dapat malinaw na nakatala sa pormularyo ng paaralan. |
| Tigdas, Beke, at Rubella (MMR) | Hindi bababa sa 2 tigdas, 2 beke, at 1 rubella. (Karamihan sa mga bata ay nakatatanggap ng 2 dosis ng bawat isa dahil ang bakunang karaniwang ibinibigay ay ang kombinasyong bakuna MMR). Ang unang dosis ay dapat ibigay sa edad na 12 buwan o mas matanda. Ang ikalawang dosis ng bakuna ay kailangang ibigay bago pumasok sa kindergarten ngunit maaari itong ibigay anumang panahon pagkatapos ng pinakamababang pagitan ng dosis 1 at dosis 2. |
| Haemophilus Influenzae Type b (Hib) | Ang bakunang ito ay kinakailangan LAMANG para sa mga batang may edad hanggang 60 buwan. Ang pangunahing serye ay binubuo ng alinman sa 2 o 3 mga dosis (depende sa tagagawa). Gayunpaman, ang kasalukuyang edad ng bata, at hindi ang bilang ng naunang natanggap na mga dosis, ang nagtatakda ng bilang ng kinakailangang mga dosis. Ang mga batang hindi nabakunahan na may mga edad na 15 hanggang 60 buwan ay kinakailangan lamang magkaroon ng isang dosis ng bakuna. |
| Pneumococcal (PCV) | Ang bakunang ito ay kinakailangan LAMANG para sa mga batang wala pang 60 buwan ang edad. Kinakailangan ang isa hanggang apat na mga dosis, depende sa edad sa unang dosis, ng bakunang pneumococcal conjugate. |
| Rotavirus | Ang bakunang ito ay kinakailangan LAMANG para sa mga batang wala pang 8 buwan ang edad. Simula Hulyo 1, 2021, kinakailangan ang 2, o 3 mga dosis ng Bakuna sa Rotavirus (depende sa tagagawa). |
| Polyo (IPV) | Hindi bababa sa 4 na dosis ng bakuna sa polyo. Isang dosis ang dapat ibigay sa ikaapat ba kaarawan o pagkatapos nito. Tingnan ang karagdagang dokumento ng patnubay para sa karagdagang impormasyon. |
| Varicella (Bulutong-Tubig) | Ang lahat ng mga batang ipinanganak ng Enero 1, 1997 o pagkatapos nito, ay kinakailangang magkaroon ng isang dosis ng bakuna sa bulutong-tubig na ibinibigay sa edad na 12 buwan o mas matanda. Simula sa Marso 3, 2010, ang pangalawang dosis ay dapat ibigay bago pumasok sa kindergarten ngunit maaaring ibigay anumang panahon pagkatapos ng pinakamababang pagitan ng dosis 1 at dosis 2. |
| Hepatitis A (HAV) | Simula Hulyo 1, 2021, kinakailangan ang hindi bababa sa 2 mga dosis ng bakuna sa Hepatitis A. Ang unang dosis ay dapat ibigay sa edad na 12 buwan o mas matanda. |
Para sa karagdagang impormasyon, mangyaring tumawag sa Dibisyon ng Pagbabakuna sa 1-800-568-1929 (in-state lamang) o 804-864-8055.
Huling Na-update: Marso 4, 2026